Kafli 9 – Stöðlun og lýsing hráefna og rétta

Í matvælaframleiðslu, hvort sem er í stóru eldhúsi eða litlum veitingastað, er mikilvægt að allir viti nákvæmlega hvað á að gera og hvernig. Stöðlun, eða að finna ákveðin mót (eða staðla) fyrir uppskriftir, hráefni og vinnuferla, hjálpar til við að tryggja að maturinn verði alltaf góður, að hráefni sé notað rétt og að kostnaðarstýring sé nákvæm.

Með skýrum lýsingum og reglum um magn, gæði og vinnubrögð minnka mistök, þjálfun verður einfaldari og rekstur hagkvæmari (Foskett & Paskins, 2016).